Llygredd Arfordirol

Mae gan y Deyrnas Unedig dros 20,000 cilomedr o arfordir ac mae 25% o’n hanifeiliaid yn ein moroedd. Mae llygredd a sbwriel yn effeithio ar bawb a gallant achosi llawer o ddifrod i’r  arfordir. 

Mae’r rhan fwyaf o ddigwyddiadau llygredd yn dechrau â llygru dŵr alltraeth. Gall  llygryddion gael eu symud gan y gwynt a’r llanw tuag at y lan ac yn y pen draw, gallant  lygru aberoedd ac ymylon traethau. Achos arall yw llygredd yn cyrraedd y môr trwy afonydd o ffynonellau ar y tir megis ffatrïoedd. Daw llygredd olew hefyd o lwyfannau olew a nwy alltraeth ac o longau.

Mae gan Asiantaeth y Môr a Gwylwyr y Glannau gynlluniau y mae wedi hen arfer â nhw, sy’n cynnwys pob gwasanaeth brys perthnasol ar gyfer digwyddiadau llygredd mawr a bach. Mae hefyd gweithdrefnau ar gyfer delio â llongau sy’n cael damweiniau.  

Delio â llygredd alltraeth yw tasg yr Awdurdod Lleol dan sylw a dylai ymateb trwy’r dull ymateb Haen a’u Cynlluniau Ymateb Gweithredol. Yr awdurdodau lleol morol sy’n gyfrifol am lanhau’r traethau ar hyd eu harfordiroedd.

Gall llygredd arfordirol effeithio ar nifer o bethau.

Adnoddau mewn Perygl

• Adnoddau amgylcheddol.
• Adar.
• Bywyd morol.
• Anifeiliaid morol.
• Planhigion morol.

Asedau Cymdeithasol ac Economaidd

• Twristiaeth.
• Defnydd morol.

Pe bai arfordir yn cael ei lygru;

• Osgowch ardaloedd wedi’u llygru a gwrandewch am gyngor a gwybodaeth ar orsafoedd radio lleol.
• Cydweithredwch â sefydliadau yn ystod unrhyw ymgyrch lanhau.
• Peidiwch â chwilota trwy unrhyw gargo a allai gael ei olchi i’r lan gan y gallai fod yn beryglus ac mae’n drosedd.